Гоца Тржан речиси 15 години ужива во љубовта со тапанарот Раша Новаковиќ, кој е исто толку години помлад од неа.
Разликата во години никогаш не им претставувала проблем, а Гоца одлично се сложува со својата свекрва која сега за прв пат се појави пред камерите.
Зорица, мајката на Раша, сега раскажа како прво започнала соработката меѓу Гоца и нејзиниот син, но и како тој им кажал дека започнал врска со неа.
– Ние сме семејство кое сите проблеми ги носи на маса и разговараме. Ниту слушнавме, ниту дознавме, но убаво ни кажа синот. Беше во Нови Сад, учеше и свиреше со бенд. Потоа имаше аудиција за бендот на Гоца, мислев дека нема да го примат бидејќи беше млад, студираше, повеќе беше рокер – вели Зорица и открива кога ја запознала Гоца.
– Кога почна посериозно да работи со Гоца , ни рече да му го пренесеме тапанот во Белград. Го возевме, го прашав дали оди кај неговите роднини, а тој рече дека оди кај нејзините и дека се заедно. Ништо не рековме, таа слезе, се запознавме и ја прифативме. Но, вниманието му го свртевме на фактот дека таа не е обично девојче, дека има дете и дека мора да биде многу внимателен. Но и Гоца била внимателна, па не го запознала веднаш со Лена.
Зорица со јавноста сподели и каков бил моментот кога Гоца за првпат дошла кај нив во Бач.
– Првиот пат кога ненајавено дојде кај нас, токму додека ги менувавме прозорците, имав впечаток дека сака да го изненади, но и да ја види нашата реакција. Да има свое мислење за тоа со кого си има работа. Сѐ беше спонтано, нормално, потоа почна да ја носи Лена, таа се вклопи со децата овде и сѐ е прекрасно. Нас не нѐ интересира разликата во години, ако се согласуваат, тоа е најважно – вели мајката на Раша и посочува дека од луѓето слушнале секакви приказни:
– Имаше прашања, но зад грб. А тоа се лоши луѓе. Имало и роднини, па се чуделе дали ќе трае, па Боже мој, додека има синови ќе има и снаи, додека има ќерки ќе има и зетови.
Зорица за првпат јавно призна што мисли за Гоца, односно каква снаа е познатата пејачка.
– Гоца е нормален човек, па и таа за нас е нормална снаа. Учествува во сите наши настани, добри и лоши, тие знаат сѐ, со Радомир секогаш сме во контакт, често доаѓаат. Тие не ни се мешаат во животот и ние не се мешаме во нив. И тоа е вистински рецепт. Колку години поминаа, никогаш не сме се расправале – вели Зорица.
Раша призна дека не се плашел кога морал да ги запознае родителите со својата девојка во тоа време.
– Моите родители дојдоа да ја сретнат, не очекував ништо, дали некој ќе каже нешто, дали на некој нема да му се допадне. И за двете страни бев сигурен дека никој нема да каже ништо лошо – рече Раша.
