Францускиот глумец и заводник Венсан Касел, поранешен сопруг на Моника Белучи, сега се одмара во Рио де Жанеиро со својата нова љубовница, 27-годишната австралиска манекенка со бразилско потекло Нара Баптиста. Долго време се зборуваше за нивната романса, но потврдата стигна дури сега.
Винсент и Нара беа и претходно „уловени“ од папараците, но секогаш беа во друштво со пријатели. Сега пак, конечно се „фатени“ сами.
Винсент Касел, може да се каже, ја потврди својата афера со Нара. Манекенката на социјалните мрежи објави фотографија од актерот која тој веднаш ја постираше на својот Инстаграм профил. Фановите на Касел забележале и дека тој двосмислено ги коментира нејзините фотографии. На пример, под една од провокативните објави, тој напиша: „Не можам да се наситам од тебе“.
Според многу корисници на социјалните мрежи, Баптиста е многу слична на Тина Кунаки, последната сопруга на актерот, со која тој се раздели во април 2023 година. Да потсетиме, парот во 2019 година ја доби ќерката Амазони. Исто така, во претходниот брак со Моника Белучи, актерот стана татко на уште две ќерки – Дева и Леони.
Инаку, новата љубовница на глумецот, Нара, е родена во Бразил, а извесно време живеела во Австралија, каде што ја започнала својата манекенска кариера, учествувајќи на изборот за Мис Универзум, претставувајќи ја земјата. Девојката влезе во 15-те најубави учеснички, но не влезе во топ 10.
Нејзиниот најголем сон е да стане актерка.
