Српската пејачка Јелена Карлеуша синоќа одржа два спектакуларни концерти со разлика од само неколку часа – едниот на плоштадот во Челинац, Босна, а другиот во клуб во Будва, Црна Гора..
За успешно да ја заврши оваа речиси невозможна мисија, поп-ѕвездата морала да ангажира приватен авион, а како што самата признала на Инстаграм, голема помош во организирањето на ова патување имала од нејзината пријателка и колешка Милица Павловиќ.
– Вака јас куцам до авионот среде ноќ по пистата и разговарам со Милица Павловиќ, облечена како вселенски каубој, затоа што штотуку се симнав од сцената во Челинац и „брзам“ да полетам и да стасам на настапот кој започнува за 3 часа во Будва. Голема благодарност до сите вработени на аеродромот во Бања Лука и голема благодарност до сите на аеродромот во Подгорица што трпеливо ме чекаа и се правеа дека е сосема нормално што гледаат сребрено чудо со шешир! Ми помогнаа да изведам голем „подвиг“ и да одржам два концерта во иста вечер, ноќ. Да, беше тешко, не ги чувствувам ни крилјата ни нозете во моментов, но се надевам дека публиката беше задоволна!!! За крај, ѝ благодарам на Милица која е „виновна“ за овој „подвиг“ – напиша Јелена Карлеуша на својата инстаграм-приказна.
Да потсетиме, неодамна сличен проблем имаше и самата Милица, која мораше да стаса до Власеница од свадба во Алексинац, каде се појави како специјална гостинка, на која ѝ успеа со помош на приватен авион.
