Синоќа скопскиот клуб Трибека беше претесен да ги собере сите обожаватели на познатите близначки Маријана и Росана кои по цели 20 години повторно запеаа заедно. Секако, најочекувана беше изведбата на песната „Признавам“.
Маријана и Росана беа најпопуларен дует во 80те и почетокот на 90те години. Не е чудо што нивното повторно обединување пред микрофонот беше полно со емоции, и за нив, и за публиката.
Велат, се обединиле на идеја на Александар и Дац, со кои Росана соработува. Додека Маријана повеќе од 30 години живее во Австралија, а сега е дојдена на одмор во Македонија.
– Убаво ми е дома. Веднаш по настапот се враќам во Куманово кај родителите, таму претстојувам – објасни Маријана по настапот за „Слободен печат“.
.Посакуваме почесто да ги слушаме и гледаме заедно на сцената.
