Бракот и врската на познатата дизајнерка Вивиен Вествуд со 24 години помладиот дизајнер отсекогаш кревале прашина.
View this post on Instagram
Вивиен Вествуд почина синоќа на 81-годишна возраст, опкружена со семејството во нејзиниот дом во Лондон, а покрај неа до последен момент беше нејзиниот сопруг Андреас Кронталер. Љубовната приказна на овој нетипичен пар е сè само не обична, бидејќи Андреас бил поранешен ученик на дизајнерката, а подоцна стана нејзин сопруг, 24 години помлад од неа.
„Ќе ја носам Вивиен во моето срце. Работевме до крај и таа ми даде многу причини да продолжам“, изјави нејзиниот партнер Андреас Кронталер.
View this post on Instagram
Имено, овој помалку познат Австриец се оженил со прославената дизајнерка во далечната 1992 година, а од тогаш до денес нема озборувања или гласини за скандали за нивната врска. Меѓутоа, нивната врска „подигна прашина“ поради големата разлика во годините и начинот на кој се запознале.
Андреас бил млад и надежен студент по мода и моден дизајн кога дојде во Лондон да го развие својот талент, а Вивиен набрзо го зеде под своја закрила.
View this post on Instagram
Кариерата ја започна како дизајнер на накит и златар, а до ден денес најважен дел од неговиот опус е дизајнот на ексклузивен накит.
Кога дизајнерката го забележала неговиот талент, го вработила во нејзината компанија и тогаш започнала нивната љубовна приказна.
Врската ја започнаа во 1989 година, а во 1992 година се венчаа и останаа заедно до смртта на „бабата“ на модниот панк.
Живееа заедно повеќе од 30 години во Клапам на Најтингејл Лејн, а имаат и куќа од 1703 година, околу која се протегаат големи градини во кои Вивиен редовно градинарила и се релаксирала.
View this post on Instagram
Пред Андреас, Вивиен веќе беше во брак со Дерек Вествуд, а со него го доби синот Бен, кој сега е познат фотограф. Таа подоцна роди уште еден син, Џозеф Кореа, од врската со Малколм Мекларен, кој стана дизајнер на долна облека.
