Српската пејачка Марија Шерифовиќ минатата година стана мајка, а на социјалните мрежи често споделува моменти со синот Марио.
Марија никогаш не сакала многу да зборува за својот приватен живот, па на почетокот го криеше раѓањето на наследникот, а на своите следбеници одучи да не им го покажува лицето на синот, па при објавувањето на неговите фотографии секогаш става емотикони на неговата глава.
Сега пејачката објави фотографија од креветот и покажа како таа и нејзиниот син го поминуваат времето кога ќе се разбудат, а глетката разнежи и воодушеви многумина.
Да потсетиме, Марија го доби синот со помош на сурогат мајка, а бидејќи тоа во Србија не е дозволено, пејачката неодамна отворено проговори на оваа тема додека гостуваше во емисијата „Амиџи шоу“.
– Во Америка сум од 2014 година, тоа тогаш не беше актуелно. Немаме доволно време детално да разговараме за ова, да раскажам сè, можеби тоа некому ќе му помогне, многу веројатно дека ќе му помогне. Сè што правев, го правев по совет на најдобрите лекари во САД во тоа време. Во моето единствено интервју реков, по некои неуспешни обиди, единственото решение беше тоа – рекла Марија, а потоа објаснила:
– Страшно ми пречи што на Балканот, со должна почит кон сите нормални, цивилизирани луѓе, луѓето седат под камен. Јас седам во Америка, се сончам и читам како луѓето седат во весниците, емисиите, утринските програми и кажуваат како таа жена е врзана за радијатор, како е малтретирана личност, како е тоа… Почитувани, станува збор за процедура која бара илјадници документи, потпишани документи. Мојата сурогат мајка имаше масажи секој ден, хигиеничарка во домот… Таму не се работи за ропство – рекла Марија.
