На фотографијата која ја објави Енџи Џенкинсон Џони Деп е оној со капата и насмевката. Актерот не беше во судницата кога се читаше пресудата во судскиот процес за клевета што го доби против неговата поранешна сопруга Амбер Херд, туку беше во Велика Британија каде имаше серија концерти. Вечерта по судската победа се покажа како совршена за посета на паб во Њукасл со гитаристот Џеф Бек и британската рок ѕвезда Сем Фендер.
„Поротата ми го врати животот“, рече ѕвездата веднаш по пресудата. Му врати и значителна сума: 8,35 милиони долари. Севкупно ќе беа 15, но судијата ја намали сумата за отштета од 5 милиони на 350 илјади долари.
For anyone interested…Johnny Depp and Sam Fender just been seen in The Bridge Tavern pub on Newcastle Quayside 👍🏻⚫️⚪️ pic.twitter.com/j73jjiSiop
— Darren Williams (@DazWilliams) June 1, 2022
Додека тој беше во Њукасл неговите фанови славеа во Вирџинија.
Интересно е што повеќе жени отколку мажи го поддржаа актерот. На социјалните мрежи тој веќе победуваше со недели, се дебатираше за се: за облеката, музиката, фризурите. Во Англија, исто така, најде бројни поддржувачи. Тоа го покажува видеото објавено на социјалните мрежи на излезот од клубот од Њукасл. Навистина се чувствува како да започнал нов живот за Деп.
