Српската фолк пејачка Дара Бубамара (49) нема да може да настапи вечерва, на стара Нова година.
Иако настапот беше закажан однапред, Дара мораше да го откаже поради нејзината здравствена состојба.
Ова го потврди и Општина Нови Град.
„Ги информираме граѓаните дека вечервашниот настап на Дара Бубамара во Нови Град, планиран за прославата на православната Нова година, е откажан поради болест на изведувачот. Како замена, на публиката вечерва ќе ѝ се претстават Рада Манојловиќ и Раде Лацковиќ, кои со своите настапи ќе ја комплетираат програмата на прославата“, напишале тие.
Дара Бубамара добила висока температура и истакнала дека ќе ѝ надомести на својата публика.
– Драги мои, морам да ве известам дека за жал нема да можам да настапам вечерва во Нови Град на дочекот. Многу ми е жал. Добив силна температура и настинка, сите се болни, па ни јас не бев поштедена. Сигурна сум дека наскоро ќе се видиме за да го надоместиме овој ден – рече Дара Бубамара.
