Српската фолк-ѕвезда Светлана Цеца Ражнатовиќ на неодамнешниот настап се појавила во палто од модниот бренд „Версаче“ кое чини неверојатни 10.335 евра.
Сепак, овој модел во моментот е на попуст и може да се купи за „само“ 4.135 евра, па веројатно Цеца Ражнатовиќ го „уловила“ на попуст од 60 отсто.
Овој стајлинг ги воодушеви сите нејзини обожаватели, а Цеца еднаш истакна дека ѝ е многу тешко секој пат да биде иновативна и да не се повторува кога е во прашање гардеробата.
– Немам повеќе инспирација! Пресметав дека до крајот на сезоната ќе ми требаат околу 130 стајлинзи, севкупно. Посебно „Ѕвездите на Гранд“, посебно концерти, не знам како да го изведам тоа без да се повтори нешто. Тоа едноставно е невозможно, мислам дека не личи на никаков стајлинг, нешто што веќе го имам облечено. Не ми е лесно – признала Цеца во една прилика.
