Вики Миљковиќ е во контакт со легендарниот пејач, кој веќе некое време се лекува на одделот за онкологија
Фолк ѕвездата Вики Миљковиќ (50) ги воодушеви публиката и обожавателите на Халид Бешлиќ (71) кога сподели добри вести за легендарниот пејач за време на неодамнешното шоу „Пинкове ѕвезди“. Додека кандидатите ги изведуваа неговите хитови, Вики го искористи моментот да каже што многумина сакаат да чујат.
– Луѓето постојано ме прашуваат како е Халид. Тој е мој голем пријател и сакам да го поздравам. Во контакт сме, се чувствува подобро и полека закрепнува – рече Вики, а публиката ги награди нејзините зборови со громогласен аплауз.
Халид беше примен во болница пред неколку недели. Поради лекување, мораше да ги откаже сите концерти што беа планирани во овие денови, за да има мир и да избегне дополнителен стрес. Сепак, неговиот голем настап на Загрепската арена во декември засега останува на распоред.
Неговиот менаџер Недим Срња претходно потврди дека Халид е префрлен во клиника за онколошки пациенти, каде што прима терапија и се чувствува подобро. Тој додаде и дека гласините дека неговата состојба е критична не се точни.
Бешлиќ и претходно се соочувал со здравствени проблеми. Му биле вградени два стента, а долго време живеел и со дијабетес. Но, обожавателите веруваат дека и овој пат ќе излезе од сето тоа како победник.
