Што се однесува до исхраната на тенисерот Новак Ѓоковиќ и неговата сопруга Јелена, веќе нема дилема околу исхраната. Тие двајца јадат само вегански рецепти, а во медиумите се води полемика за тоа што јадат нивните деца Тара и Стефан.
Најинтересно е што во куќата на Ѓоковиќ има работи кои се забранети. Како што е познато, Новак и Јелена не користат шеќер во исхраната, туку јаглехидратите тенисерот ги добива преку тестенините, но она што е важно да се напомене е дека тоа се тестенини без глутен. Тој не консумира рафиниран шеќер, туку консумира урми и овошје.
Јелена Ѓоковиќ за време на карантинот откри како изгледа исхраната на нејзините деца додека се дружеше со своите фанови на Инстаграм.
— Стефан првата година и пол имаше нормална исхрана со месо и риба, а потоа премина на растителна исхрана и се чувствува многу добро, здрав е, а Тара е на растителна исхрана од почеток, фала Богу никогаш не сме имале проблеми со нејзиното здравје. Децата се целосно на растителна исхрана, без проблем јадат компири како луди и краставици и моркови. И јас им давам многу смути и зелени плодови, сето тоа го блендирам, некои деца се генијалци и одма јадат сѐ, моите деца уште не јадат зелена салата, но не ме фаќа паника затоа што им давам суплементи и шејкови. И ние не пржиме, туку готвиме, тие јадат варени компири или пире – објасни тогаш Јелена.
Единствена која знае да ги прекрши правилата е мајката на Новак, Дијана Ѓоковиќ, која во една прилика откри дека понекогаш ги „крши“ правилата, па на своите внуци им подготвува храна која не е дозволена кај мама и тато.
— Ги сакаат моите познати палачинки. Секогаш слушам: „Бабо, спреми ни палачинки“, а потоа се натпреваруваме: „Кои сакаш, безглутенски или нормални“, а Стефан вели: „Бабо нормални, пушти ги безглутенските“ –изјавила Дијана Ѓоковиќ во една прилика со насмевка.
