Емина Јаховиќ немала сè во животот. Нејзиното детство не било нималку лесно, а пораснала во период кога многумина се соочувале со финансиски тешкотии. Така било и во нејзиното семејство, па дури и некои намирници за неа биле само сон.
Во една прилика, поп-пејачката проговорила за тешкиот период од растењето во Нови Пазар.
– Татко ми и мајка ми немаа некое наследство зад себе, а како лекари не беа класифицирани како богати. Се сеќавам, кога повеќе или помалку сите луѓе во Србија живееја тешко, така што, да кажам, и доматот беше луксуз за нас – рекла Емина во една прилика и продолжила:
– Гледав така, како дете, во некои ситуации, како соседите го јадат. Киндер јајца, гумени бомбони и чоколади што пукаат во устата. Сето тоа беше недостижно за мене во моето детство. Во време на превирања и војни, мајка ми ставаше млеко и јогурт во замрзнувачот, кои не смеевме да ги допираме, туку ги чувавме за мрачни времиња. А бев вистинско девојче, обожавав блескави фустани, кои ги наследував од мојата постара сестра.
Емина денес е успешна деловна, заработила милиони, но признава дека не ги троши парите залудно.
– Поради тоа денес кога имам, никогаш не се расфрлам. Сакам да купувам, но само она што ќе го носам, немам каприци – завршила Емина, која дошла од Турција во Србија откако го издала новиот албум.
Таа сега открила уште неколку детали од својот живот, а ги изненадила сите кога рекла дека ги мие рацете со хималајска сол.
– Ставете малку хималајска сол на дланката, направете мантра, замислете дека од вас излегува таа лоша енергија и измијте ги рацете. Тоа е тоа. Го правам тоа затоа што многу се ракувам во текот на денот, а допирот ја пренесува енергијата – раскажала Емина за Радио С, оставајќи многумина зачудени.
Како што рекла таа, солта ја „неутрализира“ целата негативна енергија што се пренесува преку контакт со други луѓе.
