Џон Траволта и неговиот син Бен го проширија своето семејство. 68-годишниот актер и неговиот 11-годишен син го посвоија Mac & Cheese, преслатко кученце кое се појави на доделувањето Оскарите.
Кутрето го претстави Џејми Ли Кертис додека и оддаваше почит на покојната Бети Вајт.
„Таа не беше само златна девојка. Таа беше легенда која ја разубавуваше секоја просторија во која влегуваше и измамуваше насмевка на лицата на сите што ја гледаа на екранот. А, покрај тоа, таа беше жена која се грижеше за вакви животни. Значи, најголемиот подарок што можете да и го дадете на Бети Вајт е да го отворите своето срце и да посвоите кутре како Mac & Cheese“, рече таа.
Нејзините зборови очигледно влијаеле на Траволта, кој решил да го посвои кутрето, за што Џејми Ли Кертис подоцна му се заблагодари на Инстаграм.
View this post on Instagram
„Ова е совршена почит за Бети Вајт и сите оние кои ги спасуваат животните и им обезбедуваат засолниште од бурите на животот и обезбедуваат топол дом полн со љубов“, заклучи таа.
View this post on Instagram
