Ќерките на српската пејачка Јелена Карлеуша и поранешниот фудбалер Душко Тошиќ, Атина и Ника, неодамна ги прославија своите 17-ти и 16-ти родендени на ист ден. Атина и Ника израснале во вистински убавици.
За разлика од постарата Атина, која е поплечена, Ника стана ѕвезда на социјалната мрежа ТикТок, каде што собра илјадници следбеници.
Иако Атина не се експонира во јавноста, Јелена во една емисија открила детали од приватниот живот на нејзината постара ќерка коишто јавноста не ги знаеше.
Имено, пејачката се осврнала на темата за естетската хирургија, која тинејџерките на возраст на Атина почнаа масовно да ја применуваат заради разубавување.
„Пријателките во одделението на Атина веќе ги средија устите, носевите, носеа мрежести чорапи, посетуваат естетски хирурзи“, рекла Јелена Карлеуша и ја шокирала јавноста со своето признание со оглед на тоа што се малолетни девојки. Пејачката додала и дека Атина никогаш не побарала и таа да го направи тоа.
„Атина никогаш не побарала ништо од тоа, ниту јас би ѝ дозволила“, заклучила Јелена, а девојчињата ја почитуваат одлуката и строгото правило на нивната мајка, барем засега. И нивниот татко Душко Тошиќ исто така ја поддржал одлуката на својата поранешна сопруга.
