Вил Смит официјално поднесе оставка од Академијата во изминатите неколку часа, а речиси една недела по шамарот на Крис Рок на сцената на Оскарите 2022 , Дензел Вашингтон ја коментира случката.
Вашингтон се појави со контраверзниот свештеник и писател Т.Д. Џејкс на Лидерски Самит на кој се дискутирало за неговата кариера и вера, па во оваа прилика го искажал мислењето за тоа што се случи на Оскарите:
„Има една изрека: Кога ѓаволот те игнорира, тогаш знаеш дека правиш нешто погрешно“, рече Вашингтон. „Ако не ти доаѓа, значи дека си му омилен. Спротивно на тоа, кога ќе се појави ѓаволот, можеби е затоа што тој се обидува да те натера да направиш нешто погрешно. И поради некоја причина, ѓаволот го фати таа ноќ (Вил Смит)“.
Дензел Вашингтон одби да открие што си кажале тој, Смит и Тајлер Пери, но откри дека тројцата се молеле заедно:
„За среќа имаше многу луѓе таму, не само јас туку и други, како Тајлер Пери на пример, сите веднаш отидоа кај него“ продолжи Вашингтон, мислејќи на Вил Смит.
„Кажавме неколку молитви. Не сакам да кажам за што разговаравме. Но, кој сме ние да судиме? Не ги знам сите детали за оваа ситуација, но знам дека единственото решение во ова време беше молитвата, како што гледам. И начинот на кој јас гледам на нештата генерално“.
