Актерот, кој наскоро ќе го гледаме во улога на Леонард Бернштајн во филмот „Маестро“, со отворено срце зборува за тешкото минато и за борбата да стигне таму каде што е сега. „Се чувствував безвредно, но ќерка ми ме промени повеќе од успехот: тоа што станав татко ми ја поттикна самодовербата“.
Никој никогаш не би рекол дека ваков човек може да поминува низ депресии: убав како слика, културен, успешен, со силен карактер, и татко на ќерка добиена од љубовта со една од најпосакуваните жени на планетава, Ирина Шајк, со која не е ни јасно дали навистина е готово… А потоа, со девет номинации за Оскар и со проект пред кој е огромен светски успех: Маестро, филм за животот на Леонард Бернштајн. Но, Бредли Купер мораше да се искачи на своите лични планини за да дојде до сето ова. И за да се достигне врвот имаше многу падови.
Тој отворено раскажа за сите свои падови во подкастот Смартлес, признавајќи со отворено срце: „Отказот од Алијас ме уништи“, призна тој. „Згазната ми беше самодовербата, се чувствував изгубено, чувствував ништовност. И се фрлив на кокаин, станав зависник “.
Во тоа време Купер, кој отишол да живее во Њујорк откако дипломирал англиска литература, се преселил во Лос Анџелес токму за да ја снима серијата со Џенифер Гарнер. Но, не бил најдобро прифатен од околината:
„Се чувствував како кога бев во средно училиште: не можев да влезам во ниту еден клуб, ниту една девојка не ме погледна. Бев целосно депресивен“.
„Предноста, ако може така да се каже, беше тоа што ова се случи на крајот на 30-тата година“, додаде ѕвездата на „Ѕвездата е родена“. „Но, тоа продолжи се додека не добив улога во „The Hangover“. Имав 36 години кога го снимив тој филм: тоа што ги поминав сите тие искуства пред да постигнам успех беше клучно за моето постоење“.
После тој филм, пресвртната точка: номинациите за Оскар, јавниот успех, бракот (завршен во 2019 година) и пред се татковството. Раѓањето на Леа Де Сејн во 2017 година го промени неговиот живот:
„Тоа што станав татко ми ја поттикна мојата самодоверба. Секоја работа доби друга нијанса, друга светлина за единствениот факт што сум татко. Секој професионален успех, секое убаво сценарио што ќе ми дојде, секој прекрасен момент на снимање ми дава радост што е само една капка од она што може да ми го даде поминувањето време со тоа прекрасно суштество – мојата ќерка. И ова не е легенда, туку чиста вистина“.
