Српската пејачка Александра Пријовиќ (28) стана рекордерка со пет концерти кои ги одржа за само шест дена во загрепската Арена. Во тој период како што велат медиумите низ Арената продефилирале околу 90.000 луѓе.
Сега Пријовиќ за „Блиц“ зборуваше за сите детали и впечатоци од концертите во Загреб. Имено, меѓу останатите работи емотивната пејачка ја откри ситуацијата што ѝ се случила по еден од концертите.
– Додека стоев, ми пријде една госпоѓа со мало девојче, кое не знам дали има повеќе од десет или дванаесет години, и ми рече: „Имам пет деца, мојот сопруг е на подобро место, а јас на ќерка ми ѝ ја исполнив желбата и последниот динар го дадов да купам карта за да дојдеме на твојот концерт“. Да го знаев тоа, никогаш немаше да им дозволам да купат карта – низ солзи раскажа пејачката.
Таа продолжи да зборува за поддршката што ја добивала од најблиските, најмногу од нејзините баба и дедо, кои беа на секој концерт во Загреб.
