Во бугарските поп-фолк кругови повторно се појавија тензии, откако изјавата на Азис во еден поткаст предизвика бурни реакции. Имено, на прашањето дали е свесен дека „никој не може да ги надмине поп-пејачите кога станува збор за авторски права“, пејачот изненадено реагираше:
„Поп-пејачи? А не поп-фолк? Дали воопшто останаа поп-пејачи? Не познавам никого што работи … Не можам да се сетам. Не знам зошто ме прашувате за хонорарите, но мислам дека сè е во рамките на нормалата.“
Овие зборови ја поделија музичката сцена.
Остро реагираше пејачката Тони Димитрова:
„Тој не е дури ни текстописец, сè е земено од соседите. Штета! А за купените прегледи на видеата, да не зборуваме.“
Диџејката Диан додаде:
„Крајно непрофесионално и одвратно интервју. Го гледав, но не можев да издржам до крај. Со ароганција и самодоволство објаснува дека нема друга сцена освен поп-фолк. Срамота. Не знам дали познава други уметници, но неговите негледани видеа се повеќе од гледаните.“
Се огласи и Атанас Боев, коосновач на Ticket.bg, со конкретни податоци:
„Во последните четири години, продадени се над 200.000 билети за концерти кои не се фолк. Овие податоци не се за да споредувам жанрови, туку да покажам дека постои друга Бугарија и друга публика. Тоа ми дава надеж.“
На крајот, Боев подвлече:
„Нема ништо лошо во тоа да се биде различен, без разлика дали сте геј, лице со попреченост или едноставно некој со свое мислење. Но, кога не ги почитуваш своите колеги и публиката, тогаш сцената го губи своето значење.“
Ова е дел од листата на ТОП 50 поп-фолк хонорари по авторски права, пренесува „Хот арена“.
•
| Изведувач | Хонорар (лева) | Хонорар (евра) |
|---|---|---|
| Азис | 20.000 – 40.000 | 10.250 – 20.500 € |
| Емануела | 16.000 | 8.200 € |
| Преслава, Галена | 15.000 | 7.700 € |
| Марија, Софија Маринова, Меди, Јордан | 12.000 | 6.150 € |
| Ивана | 10.000 – 12.000 | 5.130 – 6.150 € |
| Галин, Џена, Тони Стораро | 10.000 | 5.130 € |
| Глорија, Камелија, Деси Слава, Илијан | 8.000 | ~4.100 € |
| Алиша, Лидија | 6.500 – 8.000 | ~3.330 – 4.100 € |
| Дезита | 7.000 – 8.500 | 3.590 – 4.360 € |
| Фики, Арија | 7.000 | 3.590 € |
| Симона | 5.200 – 6.500 | 2.670 – 3.330 € |
| Малина, Кали | 5.000 – 6.000 | 2.560 – 3.080 € |
| Борис Дали, Селина | 5.000 | ~2.560 € |
| Јаница | 4.000 – 5.000 | ~2.050 – 2.560 € |
| Раина | 4.500 | 2.310 € |
| Мирела | 3.600 – 4.500 | 1.850 – 2.310 € |
| Адам, Ивајла | 2.800 – 3.500 | 1.440 – 1.790 € |
| Ванеса | 4.000 | 2.050 € |
| Тита, Андреа, Рени, Нелина | 3.500 | 1.790 € |
| Емрах, Теодора, Гиа | 3.000 | 1.540 € |
| Саби, Јулија, Диона, Антонио | 2.500 | 1.280 € |
| Соња Немска, Билјаниш | 2.000 | 1.030 € |
