(ФОТО) ЧУДЕСНИОТ ДВОР НА СИЛВАНА: Рајска убавина во село Секирник

Семејството Панајотови имаат преубав двор во село Секирник, општина Босилово, толку убав што моравме да подзастанеме и да ѝ поставиме неколку прашања на домаќинката, Силвана Панајотова. 

Инаку, за Силвана слушнавме од … ДВОРЧЕТО … Врапче?! Не. Фејзбук гнездо на пасионираните по убаво уредување на балкони, градини, дворови, дворчиња…

приватна архива

Од Силвана дознаваме дека за дворот кој се протега на 2 хектари се грижи самата таа и нејзиниот сопруг. Во овој рај доминираат чемпресите, оревот, елата, смоквата и јапонската јаболка, а од цвеќињата миризба шират грациозните кампанули, раскошните бугенвили, украсната трева со магични цветови – пампас, бендерите, жолтите туфки и многу други.

– Многу сме посветени на нашиот двор, во часови тоа би значело два до три дневно, а во периодите кога ја средуваме, односно, режиме оградата, чемпресите и кога косиме, посветуваме и четири до пет часа дневно. Се разбира, тука е и секојдневното наводнување…, ни објаснува Силвана.

Ни вели дека колку што тие му се посветуваат на дворот, толку и дворот ним им воздраќа.

– Тука ги полниме батериите, вели таа.

Ја прашуваме дали има омилено цвеќе?

– Сите цвеќиња ги сакам, сите ме исполнуваат со среќа, ни одговара.

Во текот на студените денови, некои од цвеќињата се преместуваат во домашен амбиент за да ја „преживеат“ зимата.

Силвана ги охрабува сите што сакаат да започнат со градинарство тоа да го направат со многу љубов и посветеност.

Што би им препорачала, од каде да почнат?

– Зависи од просторот и времето кое го имаат, вели низ насмевка таа и додава – но треба да имаат и план како сакаат дворчето да им изгледа. Им препорачувам да почнат со цвеќиња кои најмногу ги сакаат и со цвеќиња кои повеќе време траат, од пролет до есен, завршува нашата соговорничка.

Фото- приватна архива

Слични објави

СЛАВЧО ПОПОСКИ ПРОГНОЗИРА: Драстични промени, доаѓа вистинско лето!

Ј.К.Д

ПРИРОДЕН РЕЦЕПТ: Мед и лук за подобар имунитет

Еспресо

ИСТРАЖУВАЊЕ: Луѓето кои јадат повеќе млечни масти имаат помал ризик од срцеви заболувања

И. Т.

ДНЕВЕН ХОРОСКОП ЗА 24 СЕПТЕМВРИ: Некои разговори можат да придвижат нови интереси

И. Т.

Кој е индискиот гуру Моханџи чии следбеници се Новак Ѓоковиќ и неговата сопруга Јелена

И. Т.

ШТО ЗНАЧИ КОГА СОНУВАТЕ ДЕКА ПАЃАТЕ: Психолозите имаат објаснување

И. Т.
Се вчитува....