Семејството го обвинува докторот за нејзината смрт, сопругот тврди дека тој бил ПИЈАН И ДРОГИРАН!
Јасмина Флорес (31) почина во неделата, откако беше подложена на естетска операција кај докторот Роберт Лопез. Требаше да изврши липосукција врз неа, а сега семејството на младата жена го обвинува дека е одговорен за нејзината смрт бидејќи, според наводите, работел под дејство на алкохол и психоактивни супстанции, пренесува аргентинскиот портал Минуто уно.
Сопругот на Јасмина, Лукас Гонзалес, вели дека има сведок кој го видел Лопез „пијан и дрогиран“, а кој е подготвен да сведочи.
Неговата сопруга, од друга страна, не е единствената жртва, бидејќи друга жена, исто така, починала откако била подложена на истата постапка кај овој лекар.
Јасмина сакаше да направи липосукција по бременоста и тежината што ја имаше накачено, го најде д -р Лопез преку препораки и го контактираше преку Инстаграм.
Операцијата е извршена во вторникот, 20 април, во приватна клиника во Буенос Аирес. Во првите денови по операцијата, таа се чувствуваше добро, но по една недела, чувствуваше постојана болка. И покрај фактот дека хирургот ја отпушти, болката не престана.
– Во вторникот, 27 април, се разболе, не можеше да дише и не знаев што да правам- изјави сопругот на Јасмина со кого има четиригодишен син и додаде:
– Се јавив кај хирургот кој ја оперираше, но тој рече дека е зафатен и ми предложи да ја однесеме во болница. Ја однесов, но и покрај напорите на лекарите, тие не можеа да ја спасат. Причина за смртта е белодробна тромбоза – изјави Лукас Гонзалес, кој смета дека хирургот „ја убил неговата сопруга и дека треба да одговара за тоа“.
Семејството бара правда и ќе ги преземе сите законски мерки против пластичниот хирург Роберт Лопез. Моментално ги собираат сите докази, и ќе го обвинат за обид за убиство.
