На прво место на британската листа на најбогати познати личности, помлади од 30 години е музичарот Хари Стајлс.
На ова место претходно беше Ед Ширан, но беше тргнат од листата откако наполнил 30 година, пишува магазинот „Heat“, креатор на листата.
28-годишниот пејач, текстописец и актер го имаше своето деби на годишната листа на магазинот во 2016 година, а сега ја проби бариерата од 100 милиони фунти со заработувачка од 116 милиони фунти.
Хари го стекнал своето богатство преку својата музичка кариера и последниот, многу успешен албум, „Harry’s House“, на кој се наоѓа хитот „As It Was“ кој беше цели два месеца на врвот на британските музички топ листи.
На второто место на оваа популарна листата е пејачката Дуа Липа со заработка од 69,1 милиони фунти. Само од албумот „Future Nostalgia“ и светската турнеја оваа година Липа има заработувачка од 35 милиони фунти за само 2 месеци.
Манекенката Кара Делевињ се најде на трето место на најбогати со заработка од 63,8 милиони фунти кои ги заработила од соработката со компаниите „Burberry“, „Rimmel“, „Chanel“ и „Puma“.
