Студија на Универзитетот во Њујорк тврди дека прекумерната тежина е број еден ризик за да дојде до компликации и хоспитализација заради коронавирусот кај луѓето над 65 години.
Популацијата над 65 години е карактеризирана како ризична група за заболување од коронавирусот.
Старите лица и луѓето со прекумерна тежина имаат најголеми шанси да бидат хоспитализирани заради компликациите кои ги предизвикува коронавирусот, па дури и повеќе шанси од заболените од рак или со проблеми на белите дробови, предупредуваат истражувачите.
Универзитетот во Њујорк набљудувал повеќе од 8.000 пациенти и открил дека луѓето постари од 65 години со индекс на телесната маса над 30, се во најголем ризик од смртен исход. Повеќе од 46% од сите пациенти кои се хоспитализирани со коронавирус имале повеќе од 65 години. Научниците истакнале дека годините се дефинитивно најголемиот фактор за ризик за хоситализација, а здравствената состојба која најчесто била поврзана со сериозноста на болеста е дебелината.
Посебно истражување утврдило дека кај пациентите помлади од 60 години двојно поверојатно е дека ќе им биде потребна болничка нега или вештачка вентилација ако се дебели.
Новото истражување од Центарот за превенција и контрола на заразни болести, Националниот институт за старост и Националниот институт за Рак на САД, објавено неодамна на ЈАМА сугерира дека патот до долговечноста е полесен доколку сме физички активни, односно доколку пешачиме 6 километри дневно.
The post Откриен факторот на ризикот за луѓето над 65 години поради кој симптомите на коронавирусот се компликуваат appeared first on Слободен печат.
