Луѓето кои се заболени со ковид, можат да доживеат различни симптоми. На официјалната листа на Центарот за контрола и превенција на болести, првите симптоми се обично треска или температура, кашлица, замор и отежнато дишење. Сепак, во последно време, се повеќе пациенти пријавуваат невролошки проблеми и промена на ментална состојба кај лекарите кои предупредуваат дека SARS_CoV-2 може да предизвика одредени нарушувања во мозокот.
Иако постојаната кашлица, треска и губење на мирис обично се истакнуваат како трите клучни симптоми на ковид, податоците собрани од корисниците на студијата за симптоми на ковид покажуваат дека некои страдаат честопати од состојба на акутна конфузија и дезориентација или делириум.
Загрижувачки е што многу пациенти со ковид пријавуваат збунетост и делириум во нивните симптоми, а лекарите сега предупредуваат на ретки, но сериозни нарушувања на мозокот кои се активираат од уште поблаги форми на ковид.
Студија на американскиот Национален институт за јавно здравје покажува како изгледа овој симптом воопшто.
„Кај постари возрасни лица, ковид-19 може да се појави со атипични симптоми, вклучувајќи делириум и неговите компликации. Секоја акутна промена во однесувањето или менталната состојба предизвикува делириум. Лековите може да им бидат потребни на пациентите кои страдаат од вознемиреност само доколку станат закана за себе или за другите“, се вели во студијата.
Од друга страна, д-р Клер Стивс истакна дека овој симптом бил забележан на почетокот на пандемијата.
„Големото прашање е дали луѓето со коронавирус развиваат делириум затоа што вирусот има огромно влијание врз организмот и имунитетот, како што гледаме кај други инфекции, или има нешто поконкретно и предизвикува промени во мозокот“, рекла таа, додавајќи дека се сомнева во SARS-CoV-2 може да навлезе во нервните клетки во мозокот, мешајќи им се и предизвикувајќи симптоми на делириум.
The post Невообичаен симптом на коронавирусот кој лекарите се уште не можат да го објаснат! appeared first on Слободен печат.
Невообичаен симптом на коронавирусот кој лекарите се уште не можат да го објаснат! was first posted on октомври 25, 2020 at 11:30 am.
