„За појадок јадам палента, која е многу повкусна кога се готви на путер, но сега ја готвам во вода и со неа консумирам младо сирење кое е со малку маснотии. Сакам и овесна каша со јаболко, киви и бадеми. Додавам и суви сливи. Понекогаш купувам здрав леб, кој не го јадам често, но е многу вкусен со мисиркини гради, салата и домати. Јадам и домашна пилешка паштета и намаз од сирење.“
Ова е тајната на успешната диета на познатата пејачка Марија Шерифовиќ која објави дека успеала да ослабе дури седум килограми за само еден месец.
Марија вели дека не сака лосос или свинско месо, како и грашок и пиперки кои тешко се варат. Вели дека обично јаде риба, стек или пилешко.
За ужина најчесто консумира овошје, јогурт или кисело млеко со чиа семе, додека за вечера салата.
„Важна е и количината на храна што ја јадете. Исто така, важно е да се направат тестови на крвта пред да почнете да се храните поинаку.Тренерот проценува дека ќе дојдам во супер состојба за 90 дена, т.е. , до нова година. Морам да признаам дека сето ова ми е тешко, но ќе биде убаво чувството кога ќе заврши“, објаснува пејачката.
Tаа го променила менито, но и редовно тренира, што многу ѝ помогнало во фитнес трансформацијата.
