Премиерот Зоран Заев на Фејсбук напиша дека на денешниот кризен ковид-19 штаб била донесена одлука за забрана на сите летови од Велика Британија во Македонија.
„После најновите информации поврзани со појавата на забрзано ширење на коронавирусот во Велика Британија, на денешниот главен кризен КОВИД-19 штаб донесовме одлука за забрана за сите летови од Велика Британија во Северна Македонија.
Дополнително, се воведува и задолжителна 14-дневна самоизолација за сите патници што по воздушен или копнен пат, директно или индиректно пристигнуваат од Велика Британија во Северна Македонија.“, напиша Заев на Фејсбук.
