Јапонски научници анализирале состојба на пациенти кои се опоравувале од Ковид-19, кои биле лекувани во болници. Една од последиците на болеста предизвикана од нвиот коронавирус е опаѓање на косата, како и со месеци отежнато дишење и чувство на слабост, открија научниците од Националниот центар за глобално здравје и медицина во Токио, јави телевизискиот канал НХК.
Студијата покажа дека кај оние кои биле во болница со Ковид-19, четири месеци по закрепнувањето, симптомите на отежнато дишење остануваат кај 11 отсто од луѓето, слабост чувствуваат 10 отсто, нарушувања на мирисот и вкусот – 10 отсто, болна кашлица – четири отсто.
Покрај тоа, два месеца по појавата на симптоми на Ковид-19, една четвртина од отпуштените пациенти почнале да се жалат на опаѓање на косата.
Научниците забележуваат дека слични симптоми се забележуваат и кај оние кои се излекувале од ебола.
The post Јапонски научници: Ковид-19 причинува со месеци отежнато дишење, слабост и опаѓање на косата кај оздравени пациенти appeared first on Слободен печат.
Јапонски научници: Ковид-19 причинува со месеци отежнато дишење, слабост и опаѓање на косата кај оздравени пациенти was first posted on октомври 23, 2020 at 9:22 am.
