Во Нова Градишка денеска беше откриен споменик на легендарниот Тошe Проески. На свеченото откривање на споменикот на скулпторот Славко Буниќ, присуствуваа Милаим Фетаи, амбасадорот на Северна Македонија, градоначалникот на Нова Градишка, Винко Гргиќ и градоначалникот на Крушево, Томе Христовски, пишува хрватски „Вечерњи лист“.
„Она што не поврзува со Нова Градишка е трагедијата на пејачот и наш сограѓанин Тоше Проески. Но, заедно сите сме негови фанови и сега и пред неговата смрт. Да се потрудиме да го продолжиме неговото дело, а тоа е добри дела, љубов и толеранција. Тоше вечно ќе живее во нашите спомени. Нека живее нашето пријателство и натаму, нека живее и споменот за Тоше преку овој споменик. Слава му“, изјави Христовски.
Водечка мисла беше дека камената фигура на ТошЕ потсетува на времето кога заедно се радувавме и уживавме во песните кои се вечни и на кои сите се сеќаваме на неговите зборови:
„Љубовта, толеранцијата и живеењето на нашите животи како да живееме милион години, тоа нè прави луѓе“.
