– За време на овој викенд, како и во почетокот од следната недела, времето во Македонија ќе се задржи променливо облачно со сончеви периоди. Локално ќе има и позначителна облачност, а особено утре попладне и навечер и претежно на запад ќе има услови за слаб локален дожд. Ќе дува слаб до умерен ветер од источен и од југоисточен правец, вели нашиот метео прогнозер Славчо Попоски.
Температурите и понатаму ќе бидат без поголеми промени и максималните дневни ќе се искачуваат во интервалот од 11 до 16 степени.
И во Скопје и околината ќе продолжи променливото време со сончеви периоди. Повремено ќе има и позначителна облачност, а ќе дува и слаб до умерен ветер претежно од југоисточен правец. Температурите ќе се искачуваат во интервалот помеѓу 14 и 15 степени.
