– До самиот крај на оваа недела, под влијание на стабилна и сува воздушна маса времето во Македонија ќе биде стабилно, сончево и релативно топло преку ден со максимални температури кој ќе се искачуваат во интервалот од 15 до 19 степени, вели нашиот метео прогнозер Славчо Попоски.
Според Попоски, сепак, наутро, и тоа поради ведрото време ќе биде студено и минималните температури понекаде ќе се спуштат до околу -3 степени, со што локално ќе има појава и на слаб мраз.
Во Скопје и околината до крајот на оваа недела времето ќе биде стабилно, суво и сончево со максимални температури кој ќе се искачуваат во интервалот помеѓу 15 и 16 степени. Наутро температурата во Скопскиот регион ќе се спушта помеѓу 1 и 2 степени.
