Трагичната смрт на српската пејачка Ксенија Пајчин и денес предизвикува силни емоции во јавноста. Таа беше убиена на 16 март 2010 година од нејзиниот тогашен партнер, манекенот Филип Каписода, кој потоа си го одзеде и сопствениот живот.
Години подоцна, нејзиниот пријател Небојша Тубиќ Жабац раскажа детали за настаните што му претходеле на трагичниот ден.
Тубиќ се присети на една расправија меѓу Ксенија и Каписода која се случила во клуб само неколку часа пред трагедијата.
„Гоца и јас седевме во клуб. Ксенија дојде со Каписода, пријде до мене и ме бакна во уста. Гоца се зачуди, но Филип не го прими тоа мирно. Почна да ја влече и да ја турка. Кога погледнав подобро, се тепаа во сепарето. Се шегував тогаш дека Ксенија ќе го претепа“, раскажал Жабац во интервју.
Во тоа време, Ксенија и Филип важеа за еден од најатрактивните парови на регионалната естрада. Сепак, нивната врска била бурна и исполнета со чести расправии.
Тие во еден период дури и раскинале, кога Каписода учествуваше во реалното шоу „Големиот брат“. По неговото излегување од шоуто, двојката повторно ја обновила врската и почнала да живее заедно.
Пејачката тогаш јавно зборуваше за љубовта со него.
„Никој никогаш не ме сакал како Филип. Не мора ни да зборуваме, доволно е само да се погледнеме. Тој ме познава подобро отколку што јас самата се познавам“, изјавила таа во едно интервју.
Во медиумите често се појавуваа информации за нивни расправии, а соседите сведочеа дека од нивниот стан понекогаш се слушале гласни караници. Сепак, двојката тврдеше дека станува збор за вообичаени несогласувања.
На 16 март 2010 година јавноста ја потресе веста дека Ксенија е пронајдена мртва во својот стан во Белград. До неа било пронајдено и безживотното тело на Каписода.
Според сведоштвата на соседите, еден од нив слушнал викање и необично лаење на нејзиното куче Милослав, по што ја известил мајката на пејачката. Кога таа пристигнала и влегла во станот, ги затекнала телата на Ксенија и Филип.
Смртта на пејачката ја потресе целата јавност во регионот, а нејзините песни и денес се слушаат и потсетуваат на една од најконтроверзните и најхаризматични ѕвезди на балканската сцена.
