Луна Ѓогани на Инстаграм објави фотографија од своите ќерки, Миа и Лана, со која ги воодушеви своите следбеници.
Девојчињата позираа во домашна атмосфера, облечени во исти шарени тул-фустанчиња со мотиви на еднорози и цвеќиња. Помладата Лана во рацете држеше кукла, додека Миа позираше со високи бели чизми.
Луна и претходно јавно зборувала за тоа колку ги сака децата, откривајќи дека би размислила и за посвојување.
„Кога би можела и кога би имала услови, можеби би посвоила дете. Би сакала да им помогнам на сите деца на светот. Исто така, би ги вдомила сите животни. Кога би имала голема куќа, би ги примила сите“, изјавила таа во емисијата „Премијера викенд специјал“.
Инфлуенсерката често истакнува дека сопругот Марко Миљковиќ ѝ е најголема поддршка и дека сите домашни обврски ги делат подеднакво.
View this post on Instagram
„Марко сака да прави сè, а потоа има жени кои ме критикуваат затоа што мојот сопруг учествува во домашните работи. Работиме заедно, а и дома сè правиме заедно. Не го терам да мие садови, да пере или да готви – тој сам сака“, рекла Луна.
Осврнувајќи се на нивниот брак, таа неодамна изјави дека, и покрај повремените гласини за развод, нивната врска е стабилна.
„Марко и јас сме деловни партнери, сопружници, родители, пријатели и поддршка еден на друг. Бракот не е воопшто лесен, особено кога работиме заедно. Тоа е голем проект на кој мора да се работи секој ден. Потребни се многу компромиси и разговори, но ние сме заедно и се сакаме“, изјавила Луна.
View this post on Instagram
