Хрватската музичка ѕвезда Нина Бадриќ моментално ужива во својот летен одмор на островот Хвар, а со своите обожаватели сподели моменти на целосно опуштање. По успешната концертна сезона, пејачката реши максимално да се препушти на мирот и убавината на Јадранското Крајбрежје.
На својот инстаграм-профил Нина објави низа фотографии без шминка и во едноставно издание, откривајќи што за неа значи вистински одмор.
„Овде се чувствувам како дете и веројатно затоа постојано му се враќам на ова чувство. Тука нема шминка, нема позирање. Тука сум слободна, босонога, стопена со природата, со мирисот на лаванда и морето како лек, изолирана од сè. Уште да се тргнам од социјалните мрежи и детоксот би бил целосен“, искрена е Бадриќ, додавајќи дека секогаш кога ја слуша музиката на Оливер Драгоевиќ, го гледа морето.
View this post on Instagram
Нејзината објава веднаш собра бројни лајкови и позитивни коментари од фановите, кои упатија комплименти за нејзиниот природен изглед, нарекувајќи ја „жена со стил, достоинство и вистинска дама“.
