Иако денес е една од најголемите музички ѕвезди во регионот, Драгана Мирковиќ признава дека во детството дури и не се замислувала себеси во таа улога. Напротив, кариерата во музиката не била дел од нејзините соништа.
„Како девојче, имав сосема поинакви соништа од сè што ми се случи. Секако дека сонував и сакав да бидам среќна, ако го погледнеме тоа тогаш мојот сон се оствари. Но, имав и некои други соништа – не сакав да пеам, не сакав да се занимавам со тоа и дури бев против тоа“, откри Драгана.
Иако со текот на времето изгради успешна кариера, таа признава дека сè дошло неочекувано и речиси против нејзина волја. Ѝ се допаѓала музиката, но не и идејата да настапува пред публика.
-Уште од мојата петта година, се сеќавам дека сите ме тераа да пеам. „Ајде Драгана, пеј“, потоа во училиште, потоа на настани, во културно-уметничкото друштво… Искрено, тоа беше траума за мене, воопшто не ми се допаѓаше да го правам тоа. Ја сакав музиката, но не и да бидам пред луѓе и да морам да пеам“, рече таа.
Денес, и покрај сè, животот ѝ го донесе токму она кое некогаш сакала да го избегне – сцената, публиката и огромната популарност.
