Антонио Бандерас деновиве во интервју за „Page Six“ открил дека во 2017 година доживеал срцев удар, после кој многу работи во неговиот живот се промениле.
После тој здравствен проблем Бандерас вели дека почнал да гледа на животот од друг агол и на прво место да го става само тоа што му е најважно – семејството , пријателите и неговата актерска професија.
„Сфатив дека тоа веројатно е една од најдобрите работи која некогаш ми се случила поради тоа што одеднаш сè стана неважно и тоа што секојдневно ме загрижуваше стана бесмислено. Помислив, зошто да размислувам на тоа кога ќе умрам?“, изјавил Бандерас за „Page Six“.
Тој откри дека во критичниот момент неговата долгогодишна партнерка Никол Кимпел му дала лекарства така што тој полесно го пребродел ударот.
