Во Франција започна судењето на 75-годишниот актер Жерар Депардје, кој е обвинет за сексуално вознемирување, пишува Билд.
На 28 октомври 2024 година, судот во Париз го започна првото судење на францускиот актер под обвинение за сексуално вознемирување на тужби од две жени. Според жртвите, Депардје навредувал и сексуално нападнал декораторка и помошничка за време на снимањето на филмот Les Volets Verts („Зелените капаци“) во 2021 година.
Ѕвездата од филмовите „Астерикс и Обеликс“ се соочува со затворска казна до 5 години и парична казна од 75 илјади евра.
Сепак, на првото рочиште не присустваше самиот Жерар Депардје. Неколку часа пред почетокот, адвокатот на актерот Џерема Асу изјави дека неговиот клиент нема да може да присуствува поради неговото нарушено здравје.
„Жерар Депардје е крајно вознемирен и, за жал, лекарите му забранија да присуствува на сослушувањето“, истакна претставникот на актерот.
Дополнително, Депардје побара да се одложи рочиштето за да има можност да се подготви. Актерот ги негира обвинувањата на жените.
На 29.04.2024 година, полицијата го приведе францускиот глумец и го сослуша.
„Господинот Депардје беше ослободен денеска за да се појави во полициска станица во Париз, а сега е во притвор. Тој е испрашуван во врска со два наводни сексуални напади кои се случиле во 2014 и 2021 година“, изјави тогаш извор од органите на редот.
Потсетуваме, откако Жерар Депардје беше под истрага за наводно силување и сексуален напад во декември 2020 година по обвинувањата од актерката Шарлот Арнолд во 2018 година, актерот постојано беше обвинет за слични дејствија, што тој ги негираше.
