Стивен Спилберг го претстави својот најинтимен и најличен филм досега. Фабелманови е полуавтобиографска приказна за раѓањето и детството на Спилберг.
Филмот следи момче во неговите најчувствителни години кое открива шокантна семејна тајна која потоа го поттикнува да вплови во филмскиот свет. За сценариото се заслужни Спилберг и драматургот Тони Кушнер, добитник на Пулицерова награда, кој за претходните филмови на Спилберг, Линколн и Минхен, заработи номинации за Оскар.
Во актерската екипа се Габриел ЛаБел како 16-годишниот амбициозен режисер Семи Фабелман, Мишел Вилијамс како неговата мајка Мици, Пол Дано како неговиот успешен татко Бурт, потоа Сет Роген како Бени Лоеви, најдобриот пријател на Барт и почесен „вујко“ на Фабелмановите деца, и Џад Хирш како чичко Борис.
Филмот имаше премиера на филмскиот фестивал во Торонто, а Спилберг во таа прилика изјави дека со него се обидел „да најде начин да ги врати тато и мама“.
Неговата мајка починала во 2017 година на 97-годишна возраст, додека неговиот татко починал во 2020 година на 103-годишна возраст.
Спилберг рече дека првично се надевал дека ќе му биде лесно да го сними овој филм бидејќи „ги познава ликовите цел живот“. Сепак, се покажало дека не е така лесно.
„Се покажа како застрашувачко искуство за мене бидејќи се обидов да реконструирам огромен дел не само од мојот живот, туку и од животот на моите сестри, мајка ми и татко ми, кои повеќе не се со нас“, рече режисерот.
Филмот стигнува во кината кон на крајот на годинва.
