Жените кои ги запишаа своите имиња во модната историја со златни букви чекореа по модната писта држејќи се за раце. Сите носеа луксузни модни комбинации.
Настанот на Vogue World, кој се нарекува одговор на британската престолнина на њујоршката Мет Гала, се одржа во Theatre Royal Drury Lane во Вест Енд (Лондон). „Светот на Вог“ овојпат беше организиран под мотото „прослава во повеќе дела на британските изведувачки уметности“, а го креираше главната уредничка на Вог, Ана Винтур. Забавата, каде што се собираат најголемите модни имиња, донира средства за лондонската уметничка сцена.
Публиката во театарот беше задоволна бидејќи режисерот добитник на БАФТА и Оливие наградите, Стивен Далдри, создаде театарска екстраваганција која ги испреплетува операта, модерниот танц и балетот, шекспировските монолози, прекрасните музички изведби и возбудливите моменти на модната писта. Критичарите веќе го нарекоа „срдечно љубовно писмо до раскошната уметност, култура и модна сцена“ на Лондон.
View this post on Instagram
Ревијата, достојна за најдобрите светски сцени, заврши со спектакуларен момент: Наоми Кембел, Синди Крафорд, Линда Евангелиста и Кристи Тарлингтон – некои од најзначајните имиња и лица во светот на модата – излегоа на модната писта заедно. Модното шоу и новата насловна страница на Vogue се совпаѓаат со објавувањето на серијата на Apple TV+ „Супермодели“ чија премиера е закажана за 20 септември.
Документарната серија се заснова на кариерите на овие жени и покажува како доминирале во модната индустрија и како нивната динамика и моќ го променила текот на модата во иднина.
View this post on Instagram
