Синот на музичката легенда Род Стјуарт се ожени со својата девојка Никол, со која има син, на раскошна церемонија во Хрватска, поточно во Дубровник, а светските и домашните медиуми со денови пишуваат за венчавката. Инаку, снаата на Род е по потекло од Хрватска, а речиси секое лето го поминува во Дубровничко-неретванската жупанија, од каде што нејзините баба и дедо избегале во Америка.
Снаата на Род Стјуарт често зборува за нејзиното потекло и за нејзините предци.
– Дедо ми побегна од комунистичкиот режим во 1953 година со овој чамец, со мојата и двајца негови најдобри пријатели. Тој замолил чамецот да го вратат во неговото село за неговото семејство да продолжи со риболов. Нашите роднини се уште го користат – напиша Никол на Инстаграм.
View this post on Instagram
Но, на социјалната мрежа „Х“ (поранешен Твитер) се појави тема дека Никол е всушност внука на Андрија Артуковиќ, озлогласен воен злосторник од Втората светска војна, министер за полиција во Независната држава Хрватска на Павелиќ.
„Петар Грашо пееше на свадбата на Род Стјуард, а младата Никол Артуковиќ плачеше како дожд. Не е јасно дали од среќа што Грашо ѝ пееше, или од туга што дедо ѝ Андрија Артуковиќ е еден од најголемите злосторници кој отворил единствен детски логор во светот, – напиша еден од корисниците на Твитер.
Според „Дубровачк весник“, Андрија Артуковиќ, кој по Втората светска војна побегнал во Америка, како и бројни членови на неговото семејство, бил братучед на прадедото на Никол, Вид. Тој во 1919 година основал семејна компанија во Калифорнија која сè уште го носи неговото име.
Таткото на снаата на Род Стјуард, Марк Николас Артуковиќ починал кога имал 58 години. Таа е една од шесте деца на Марко Николас Артуковиќ и Тина Артуковиќ родена Цвјетковиќ: Таа има браќа и сестри Луси, Кристина, Антонија, Андреа и Аманда.
Андрија Артуковиќ беше уапсен во Лос Анџелес на 14 ноември 1984 година. Тој побегнал во Америка во 1948 година, но американските власти упорно одбивале да го исполнат барањето за екстрадиција на Југославија. Тоа се случило дури на 12 мај 1986 година, а истиот месец беше осуден на смрт.
Артуковиќ станал член на усташката организација во 1929 година. Тој е поврзан со бројни злосторства, вклучувајќи го и убиството на кралот Александар во Марсеј. Тој стана министер во 1941 година и беше директно вклучен во геноцидот на Србите, Евреите, Ромите и другите национални малцинства, пишуваат српските медиуми.
Во обвинението на Андрија било наведено дека на почетокот на 1942 година, во околината на Вргинмост, од одмазда наредил заробување и убивање на цивилното население од околните села, од кои повеќето биле жени и деца. Кон крајот на 1941 година, во Загреб, на плоштадот Крешимир, каде што биле донесени околу 700 граѓани, меѓу кои и жени и деца, наредил да бидат префрлени во концентрациониот логор во Керестинац, а потоа издал наредба да се убијат луѓето во последниот дел од колоната, по што со митралези биле убиени 450 луѓе, пишува Вечерњи лист.
Последен пат беше изведен пред судскиот совет на 14 мај 1986 година, кога беше осуден на смрт, што не беше извршено бидејќи починал во јануари 1988 година во болницата на Казнено-поправниот дом во Загреб, од аневризма.
