Пејачката Александра Пријовиќ првпат по своето неодамнешно породување сподели дел од атмосферата на нејзиниот роденден. Таа го прослави во интимна семејна атмосфера, со најблиските пријатели и роднини, а центар на вниманието беше нејзината баба.
На видеото кое го објави на својот Инстаграм, Пријовиќ ја отпеа песната „Од изворa два патиќа“, со што предизвика лавина емоции кај присутните. Особено трогната беше нејзината баба, која во еден момент ја прегрна и бакна, а немаше гостин кој остана рамнодушен.
Александра објави и фотографија со својот сопруг Филип Живојиновиќ, во чија прегратка блескаше од среќа. Филип, пак, ја изненади јавноста со емотивна порака по повод нејзиниот јубилеј.
„За овие 30 години животот ти подари многу… За наредните 70 нека не ти се симне насмевката од лицето, сакај и знај дека си сакана. Среќен роденден, мамо“, напиша тој.
