Фолкерот Аца Лукас јавно ги демантираше наводите на пејачката Атина Ферари, која во интервју за српските медиуми тврдеше дека со години се наоѓа во љубовна врска со него.
Лукас изјави дека неговата последна врска била со поранешната сопруга Соња Вуксановиќ, а на сметките на Ферари возврати со хумор:
„Што е ѝ е мило на бабата, тоа ѝ се сонило. Само што баба вчера спиела цел ден, па и сонувала содржајно. Мојата последна врска беше со Соња, а на госпоѓицата ѝ препорачувам малку да не спие. Овие сништа можат да остават трајни последици, ако веќе не е доцна,“ изјави Лукас.
Тој додаде дека досега имал врски со само пет жени – три негови поранешни сопруги и уште две жени меѓу браковите – и нагласи дека ниту една од нив не е Атена.
„Одговорно тврдам дека госпоѓицата ја познавам, но никогаш не сум бил во врска со неа,“ изјави пејачот.
Сосема различна верзија на приказната изнесе Атена. Таа тврди дека Лукас цели две години ја молел да се запознаат, а првиот состанок го прифатила под свои услови.
„Не сакав средби по станови и куќи, туку само во јавен ресторан. Сакав да се вратам дома до 23 часот и да нема алкохол или какви било супстанци. Тој прифати сè – дојде на време, вечеравме, се напивме по едно вино и ме врати дома,“ раскажува Ферари.
Таа додава дека со текот на времето од пријателство преминале во љубовна врска:
„Да, бев со Лукас и сè уште сум во контакт со него. Имам само убави зборови за Аца – секогаш знае да даде совет и да биде тука за мене,“ вели пејачката.
Иако Ферари јавно признава блискост и љубовна врска со Лукас, пејачот упорно тврди дека тие никогаш не биле пар.
