Досега непозната приказна за Каролина Гочева, раскажа Александар Ристовски-Принц, познатиот музичар и режисер на спотови.
Тој во подкастот „Урок“ на Сергеј Варошлија се сети на песната „Милениум со тебе“ на Каролина Гочева која ја напишал тој. Рече дека е снимена на крајот од 1999 година, со посвета на новиот милениум, кој почна во 2000 година.
-Каролина дојде во студио мртва болна, не можеше уста да отвори. Јас не знам од кај ја извади таа енергија. Значи, тој рефрен колку е висок таму, посебно последните рефрени, секоја чест- рече Принц.
Потоа, Варошлија ја потсети публиката дека тој е автор на хитот на Ребека, „Обиди се“ и на многу песни на „Нокаут“, како „Временска машина“ и многу други хитови. Потоа, Принц потсети дека неговиот прв успешен хит го испеал Брејк, а таа песна била планирана за Маја Гроздановска-Панчева.
