На 25 февруари ќе почне да се емитува втората сезона од популарната серија „Јужен ветар“
Серијата ќе се прикажува секоја сабота и недела од 20 часот на српската телевизија РТС 1.
Новите 12 епизоди ќе ни покажат зошто Белград по којзнае кој пат стана „сцена на конфликт“ меѓу Истокот и Западот.
Во продолжението, како што објавуваат српските медиуми, кралот на подземјето, Петар Мараш, е поразен во улична војна против државата. На нишан се неговата работа, пријателите, семејството и животот.
Во серијата се појавуваат Милош Биковиќ, Миодраг Радоњиќ, Предраг Мики Манојловиќ, Александар Берчек, Богдан Диклиќ, Јована Стојиљковиќ, Оксана Акиншина и многу други.
