По разводот од Југослав Кариќ, дизајнерката на мебел Елена Караман ја продала куќата на Космај на Новак Ѓоковиќ, а во близина купила нов имот на кој изградила свој дом.
Новиот дом на Елена, кој го нарекла „Неметона“, е сместен длабоко во шумата, далеку од градската гужва и љубопитните погледи. Опкружен со дрвја и богато зеленило, имотот ѝ овозможува целосна приватност и мир.
View this post on Instagram
Дизајнерката неодамна на својот профил на Инстаграм објави снимка од дворот и покажа дел од атмосферата во која го поминува времето.
На видеото се гледа како Елена ги кастри растенијата и се грижи за зеленилото околу својот дом. Потоа со камерата го снимила и пространиот двор, во чиј централен дел се наоѓа голем базен.
Околу базенот има многу растенија и дрвја, па целиот простор остава впечаток на изолирана оаза, далеку од секојдневниот градски метеж.
View this post on Instagram
Според сцените што ги сподели со следбениците, токму на ова место Елена го пронашла мирот што го барала и простор во кој може да ужива далеку од јавноста.
Елена неодамна откри и дека нејзината нова вила го носи името „Неметона“.
„По рекордни десет месеци, таа е тука. Видена и отсонувана во оној скриен агол на мојата имагинација од кој извираат сите мои проекти и креативни приказни. Во таа внатрешна градина, благословена со Авен, централниот принцип на друидската традиција што подразбира божествена инспирација, настана и беше поддржан од видливи и невидливи сили и овој проект за нашиот нов дом, нашето лично светилиште“, напишала тогаш Караман.
Елена и Новак Ѓоковиќ со сопругата Јелена го купиле имотот на Космај, кој се протега на неколку хектари, од семејството Кариќ.
Имотот претходно бил во сопственост на Елена и Југослав Кариќ, кои по разводот одлучиле да ја продадат куќата за 2,9 милиони евра.
Елена тогаш емотивно се простила од домот во кој поминала значаен дел од животот.
„Се простувам од куќата што некогаш одамна ја отсонував и ја претворив во реалност. Од земјата на која научив толку многу, која ми донесе исцелување, сознанија и ме поврза со моето автентично битие и повисоката свест. Се галевме, се чувавме една со друга, таа мене, јас неа. Шепотевме соништа, повикувавме и испраќавме во етерот молитви… За лично и колективно добро“, напишала Караман при разделбата со својот поранешен дом.
