Македонскиот ракометар Дејан Манасков и неговата сопруга Билјана Стојановска имаа посебен повод за семејна прослава – крштевката на нивниот син Давид.
За овој значаен ден тие го избраа селото Калишта, на брегот на Охридското Езеро, каде што заедно со најблиските го одбележаа крштевањето на своето синче.
Прослава во Калишта
Билјана, која е маркетинг директорка во телевизија Канал 5, сподели неколку фотографии од крштевката на социјалните мрежи. На нив семејството позира покрај езерото, а за свечената пригода избраа комбинации во светли тонови.
„Кога нешто ќе си посакаш…
…на најубавото наше езеро, во омиленото наше с. Калишта“, напиша таа покрај фотографиите.
View this post on Instagram
Кумови на малиот Давид беа ракометарот Гоце Ојлески и неговата сопруга Елена, кои исто така се дел од фотографиите од семејната прослава.
Година исполнета со убави моменти
Оваа година донесе големи промени во животот на Дејан и Билјана. Двојката стапи во брак на 31 јануари во Скопје, а набргу по свадбата го добија синот Давид.
Сега, неколку месеци подоцна, семејството одбележа уште еден важен момент, овојпат покрај Охридското Езеро и во друштво на своите најблиски.
View this post on Instagram
View this post on Instagram
