Марија Шерифовиќ се огласи на Инстаграм и ги воодушеви своите обожаватели со најавата за нов музички проект.
Пејачката откри дека е дојдено време повторно да ја сподели својата музика со публиката, а испрати и посебна покана до сите оние кои пишуваат песни.
Марија моментално престојува на Бали, од каде што објави видео на својот инстаграм-профил и ја сподели веста што ги израдува нејзините бројни обожаватели.
Имено, пејачката истакна дека поминаа точно три години од нејзиниот последен албум и дека чувствува дека е дојден моментот да ѝ претстави нешто ново на публиката.
View this post on Instagram
– Па, време е… Поминаа точно три години од мојот последен албум. И чувствувам дека е дојден моментот повторно да споделам со вас она што го правам најдобро. Имам уште многу да ви дадам. Можеби дури и повеќе од кога било досега! – напиша Марија.
Во продолжение на своето обраќање, пејачката откри дека сака да им даде можност на сите што ја сакаат музиката да ја споделат својата креативност со неа.
Марија најави дека во наредните месеци внимателно ќе ги слуша песните што ќе ѝ бидат испратени, а не ја исклучи и можноста меѓу нив да пронајде песна што публиката еден ден ќе ја отпее заедно со неа.
– Сакам да ви дадам можност на сите вас за кои музиката, исто како мене, е една од најголемите љубови во животот, да ги споделите вашите песни со мене. Ќе ги слушам внимателно во наредните месеци. И којзнае, можеби меѓу нив е и онаа што еден ден сите ќе ја отпееме едногласно! Едвај чекам да чујам што создавате! – додаде пејачката.
