Американскиот професионален поранешен борач и актер Тери Џин Болеа, попознат како Халк Хоган, на 70 години реши да се венча со 45-годишната инструкторка по јога и сметководителка Скај Дејли, која ја запросил во јули, пренесува TMZ. За нивната свршувачка, во ресторан во Тампа ѝ подарил прстен со дијамант од шест карати вреден 100.000 долари.
Тајната и скромна венчавка се случила на Флорида, а на венчавката биле присутни само блиски роднини и пријатели. Сепак, според таблоидот, 35-годишната ќерка на Хоган, Брук, не била на прославата.
Скај Дејли стана трета сопруга на борачот. На венчавката тој носеше едноставен црн смокинг, а невестата – светкав бел фустан без прерамки, со нагласено деколте.
View this post on Instagram
Претходниот брак на Хоган со Џенифер МекДаниел траеше од 2010 до 2021 година, а пред тоа тој беше во брак со Линда Хоган од 1983 до 2009 година. Во овој брак се родени две деца.
Боречката легенда почнал да се забавува со Дејли откако неговиот развод од МекДаниел беше финализиран пред речиси една година. Двојката првпат беше забележана заедно зад сцената за време на концертот на американскиот пејач Брет Мајкл на 26 февруари 2022 година. Минатиот март Хоган ја потврди својата нова врска.
Што се однесува до Скај, таа исто така е двапати разведена, има три деца – деветгодишна ќерка и два сина, кои имаат 14 и 16 години.
