Првиот успешен експеримент „холотранспорт“ е успешен, а сцените од „Ѕвездени патеки“ стануваат реалност!
Хирург на НАСА и неговиот тим биле успешно телепортирани со холограм во Меѓународната вселенска станица (ISS) за да разговараат и да комуницираат во реално време со астронаутите.
Тоа се случило лани – во октомври, но американската вселенска агенција ја објави веста вчера.
Експериментот беше спроведен со астронаутот на Европската вселенска агенција (ESA) Томас Пескет, кој се врати на Земјата во ноември 2021 година. Тоа е првиот „холотранспорт“ експеримент помеѓу Земјата и вселената, спроведен благодарение на технологијата на Мајкрософт.
„Тоа е сосема нов начин да се комуницира на големи растојанија“, вели хирургот на НАСА, Јозеф Шмид, кој беше протагонист на ова необично искуство минатиот октомври.
„Тоа е многу нов начин на истражување, во кој нашиот човечки ентитет може да патува надвор од планетата. За разлика од традиционалните холографски проекции кои изгледаат суспендирани во воздухот и може да ги види секој, холотранспортот бара употреба на слушалки за зголемена реалност (како што е технологијата Хололенс на Мајкрософт) за да може носителот да ја согледа и да комуницира со поединецот (на пример, доктор) кој е на далечина, снимен од повеќе камери“, објаснува докторот.
Во овој случај, астронаутот на ЕСА, Томас Пескет, кој ги носеше слушалките на ISS, можеше да разговара со д-р Шмид, неговите членови на персоналот и Фернандо Де Ла Пена Лака, управниот директор на Aexa Aerospace кој го разви софтверот за холотранспорт за компјутерот користен од Пескет.
Иако технологијата на Мајкрософт е достапна веќе некое време, до сега таа никогаш не била користена за поврзување на луѓето од Земјата со вселената: можност што ќе биде многу корисна во долготрајните мисии, за да им овозможи на астронаутите да се консултираат со лекарите и со техничарите.
Во моментов, НАСА планира да користи холотранспорт за да им овозможи на астронаутите во орбитата да вршат медицински прегледи и да се сретнат со членовите на семејството, но и да донесат познати личности да ја посетат ISS.
