Американската поп ѕвезда Бритни Спирс беше натепана од шефот на обезбедувањето на НБА.
Снимката од мобилниот телефон до која дојде TMZ во петокот покажува дека американската пејачка Бритни Спирс (41) одзади му се приближува на играчот на Сан Антонио Спарс, Виктор Вембањама (19).
„Извинете господине“, вели поп-ѕвездата неколку моменти пред телохранителот Демијан Смит да ја удри со тупаница по лицето и да и ги скрши очилата за сонце.
Во позадина се слушаат шокираните извици на луѓето кои биле со пејачката. Се гледа и сопругот на Спирс, Сем Асгари, кој беше сведок на срамниот инцидент, и кој брза кон Смит. Ѕвездата неколку секунди се обидува да се собере. Таа потоа извика со британски акцент: “Ова е Америка за вас! Е*ати сите!”
Спирс и нејзиното друштво потоа се упатиле кон ресторанот Catch во Лас Вегас. Набргу потоа, пејачката беше забележана на одделни фотографии – таа тивко седеше на својата мса, па дури и се насмевна во еден момент. Сепак, очевидец тврди дека Спирс била „крајно вознемирена“ поради конфликтот и се чини дека не верувала што се случило, била во шок.
Britney Spears spotted at Catch in Las Vegas yesterday night! 💚 pic.twitter.com/TRoM57oQSA
— Britney Spears Updates (@updatingspears) July 7, 2023
Подоцна, обезбедувачот на Виктор Вембањама ѝ се извини на изведувачката. Тој, наводно, и пришол на масата велејќи: „Разбирате како е да се биде опкружен со обожаватели“. Рекол и дека не ја препознал во моментот на ударот.
На нејзиниот профил на Инстаграм, уметницата ја сподели својата реакција на видеото што се појави на Интернет.
„Не се чувствувам како да ме третираат како рамноправна во оваа земја. Се разбира, кога самата го гледав видеото… луѓето кои всушност ме опкружуваа кога слушнаа дека ме тепаат, направија да се чувствувам како да сум нешто што значи ништо!!!“, напиша таа. „Не го забележав тоа во тоа време… луѓето можеа да слушнат само како велам „Е*ати сите“, што беше МНОГУ ПОДОБРО ОТКОЛКУ ДА ГО возвратам ударот!!!“.
Еден ден претходно, Бритни, исто така, им се заблагодари на своите фанови и на полицискиот оддел во Лас Вегас за „огромната количина на љубов и поддршка“ што ја доби.
