Шенки Маслани, попознат како Шенки Версаче, во регионот стана познат како голем обожавател на брендот „Версаче“, поради што потрошил цело богатство за сè во неговата куќа да биде во знакот на оваа позната италијанска модна марка.
Тој е многу активен на социјалната мрежа Тик-ток каде луѓето од регионот го следат неговиот ексцентричен начин на живот.
Watch on TikTok
Шенки поседува и кафуле, кое исто така е во мотивите на „Версаче“.
– Брендот „Версаче“ го сакам од 2009 година. Имам куќа во селото Арачиново, овде во близина на Скопје, а целата е во знакот на „Версаче“ – изјавил своевремено Шенки за српски „Курир“.
– Од гардероба носам исклучиво „Версаче“. Гардеробата ја набавувам исклучиво во Италија и Белгија – рекол Шенки.
Watch on TikTok
Инаку, Шенки поседува повеќе од стотици пара патики од овој бренд, а за нив има и посебни простории.
– За еден пар влечки плаќам 540 евра. Мојата облека не е евтина, но што да правам кога ја сакам? Сакам да трошам на облека, пријателите ми ја носат, а омилена комбинација ми е црна и златна – додал тој.
Секој викенд за него значи некое ново патување.
– Не сум ограничен со време, па со самото тоа не ги планирам ниту патувањата. Ако сега седиме овде и кажеме – „Одиме за викенд во Грција, јас можам само да станам и да тргнам“. Така и го поминувам времето. Сакам да патувам, да одам на убави места. Речиси секој викенд сум во Грција – додал Шенки.
Тој, меѓу другото, рекол дека ги сака жените, а особено Србинките.
– Ги сакам Србинките. Србинките се преубави. Тие се најубавите жени. Сум патувал низ светот, но такви убавици какви што вие имате сè уште не сум видел – констатирал Шенки.
