Заврши натпреварот „Мис Универзум 2025“. Титулата ја понесе мис Мексико Фатима Бош, а претставничката на Хрватска, Лаура Гњатовиќ, се пласираше меѓу првите 30.
Бидејќи Мис Универзум Хрватска беше позната како фаворит во текот на целиот натпревар – таа ги доби симпатиите на целиот свет, а обложувалниците и порталите за предвидување ја сместија меѓу првите 10, Хрватите на социјалните мрежи не го кријат своето разочарување од рангирањето.
View this post on Instagram
„Не треба повеќе да учествуваме во тој циркус“, „Изборот за Мис Универзум е точно како испробаното сценарио од мексиканската сапуница. Кутрата убавица ја угнетуваат од сите 509 епизоди, за во 510-тата да победи, да го добие богатството, љубовта и среќата на целиот свет!“, „Натпреварот е глупост“, „Скандалот е договорен, натпреварот е наместен“, „Нашата Лаура беше навистина убава и посебна, ако сè беше фер и како што требаше, сигурно ќе беше меѓу првите 5, и вака, ова беше очекувано“, пишуваат разочараните Хрвати.
Откако не стигна до првите 12, Лаура се огласи на Инстаграм и им се заблагодари на сите за нивната поддршка.
„Драги луѓе, остваривме пласман! Значи, немате поим колку сум среќна! Не се пласиравме понатаму, нема врска, топ 30, топ 30! Сите знаат која е Хрватска, верувајте ми!“, рекла возбудената Лаура, меѓу другото.
View this post on Instagram
И под таа објава добила еден куп коментари со поддршка.
„Ти си за нас победничка“, „Ти си навистина победничка со оглед на тоа што потресе сè и ги врати изборите во оние денови кога сите бевме залепени пред телевизорот“, „Беше прекрасна и заслужи многу подобар пласман“, ѝ пишуваа Хрватите, а коментарот што го остави странска следбеничка особено се издвоил.
„Драга Мис Хрватска, влегувањето во Топ 30 од 120 земји е исклучително достигнување. Тоа не само што ја одразува вашата напорна работа и дисциплина, туку и вашата способност да блеснете на натпревар во кој Латиноамериканките – традиционално многу силни натпреварувачки – често го освојуваат врвот, со поддршка на организации кои од секој агол ги покренуваат социјалните мрежи, камерите и наративот.
Се издвоивте меѓу кандидатките кои совршено ја разбираат суптилната формула што ја бара Мис Универзум: идеалната комбинација од елеганција и сценски настап – комбинација од насмевка, суптилна сензуалност, самоуверен поглед, проекција, порака, глас, па дури и енергијата на впечатлив фустан. Тие знаат како да застанат пред камерите, да се справат со публицитет, интервјуа, социјални мрежи и сценско присуство. А вие, и покрај сè, брилијантно го изградивте вашиот простор.
Вашето одење на пистата имаше ритам и сила, вашето присуство беше елегантно, а вашата порака беше цврста и автентична. Во таква конкурентна средина, тоа покажува дека сте силна, подготвена и препознатлива кандидатка.
Честитки за ова достигнување; влегувањето во Топ 30 не е само рангирање – тоа е лична и национална победа“, напиша таа.
